(درس نظامی کے طلباء کے لیے)
اسم, فعل, حرف لفظ کی اقسام ہیں
تینوں سے مل کر بنتے کلام ہیں
مرکب مفید سے ہے ہر کوئی مستفید
مرکب ناقص کو سمجھنے میں ناکام ہیں
نہ بدل سکا کوئی مبنی کے آخر کو
معرب پر آتی حرکتیں تمام ہیں
معرفہ نے خاص کر دیا ہے ورنہ
نکرہ کی نظر میں تو سب عام ہیں
مؤنث نہ ہوا تو یقینا مذکر ہی ہوگا
تیسری جنس کے انسان یہاں گمنام ہیں
فاعل چھپ بھی جاتاہے کبھی فعل میں
پر مفاعیل آتے ہمیشہ سر عام ہیں
نعم,حبذا سبب ہیں دل کی تسکین کا
بئس,ساء فقط وجہ درد و آلام ہیں
حال کی حالت ہر حال میں نصبی ہے
مگر ذوالحال کے مختلف احکام ہیں
عندی عشرون کی آئی سمجھ درھماسے
دور تمییز نے کیئے سارے ابہام ہیں
مبتداء تو وہی ہے جو آۓ ابتداء میں
خبر پر پہلے آنے کے بھی الزام ہیں
موصوف,صفت میں دوری بھی ہےممکن
مضاف,مضاف الیہ میں فاصلےحرام ہیں
آشنا نحو سے کر دیا ہے مجھ کو
میرے ہر استاد پر لاکھوں سلام ہیں
منقول
